Kajś ty dziołcho łoczy miała,
co ten gizd takiego mioł,
żeś akurat go wybrała - co ci doł, co ci doł?
Byli inksi chopcy przeca,
każden pod twym domem stoł,
tyn sie wcale nie zalecoł - co ci doł, co ci doł?
Na galotach same łaty,
w kabzie pusto - tak czy ni?
Mały, chudy, kosprowaty - ślipia złe, o...złe.
Nic w garażu, nic w PeKaO,
kawał gizda - kożdy wi.
Czymu jimu sie udało
a mnie ni, a mnie ni?

Kajś ty dziołcho łoczy miała,
co ten pieron w sobie mioł?
Po coś tego gizda brała, powiedz szczyrze - co ci doł?

Wzion cie tak jak małe piwo,
jeszcze sie po wszystkim śmioł.
Przeca widzo żeś nieszczęśliwo - co ci doł, co ci doł?
Strzel tym gizdem, strzel chacharym - to nie życie - co z nim mosz.
Nigdy z wos nie bydzie pary,
dyć go znosz, dyć go znosz.
Byda czekoł przyda po cia,
dej mi ino jakiś znak,
żebych mioł nadzieja chociaż - no to jak, no jak?
Co cie dziołcho trzyma przy nim,
byda czekoł - napisz list,
abo zadzwoń - nic nie zmienisz - bo to gizd, pieroński gizd.

Kajś ty dziołcho łoczy miała....
Po coś tego gizda brała?
Kajś ty dziołcho łoczy miała, dyć to prawda, a nie pic.
Po coś tego gizda brała - nie rozumia z tego nic
Nie rozumia, nie rozumia, nie rozumia z tego nic