(w rytm kei)
1.
Keby kiedyś ktoś zapytoł – chopie czy mosz czas Am E Am
potrzebuja do roboty, jakoś nowo twarz C G C
Chwałowicie poziom 600 i chodniki trzi A7 Dm
szychta na rok, dwa, trzi lata - to powiedzioł bych Am E Am

Ref:
Kaj ta szola, przi nij tyn dziad, stary dziad
kaj tyn sztajger wysklinany w snach
Kaj te wszystkie szlagry z dawnych lat
Kaj tyn arbaj, uciaprany tak

Kaj ta szola, przi nij tyn dziad, stary dziad
kaj tyn sztajger wysklinany w snach
W każdym miejscu metan, zbiyro się,
Yno kaj on je, no kaj on je.
2.
Kajś na zoli w starym szranku, leży ostry noż
stary arbaj wystrzympiony, dycho siwy luft
w kilofie szpica zaruściała, lecz karbitka mom
biera stary miech na plecy i ku ścianie gnom
Ref.
3.
Prziszły lata na pynzyji, ptoki puścić czas
na zegrodce matiz stoi, szkoda że na gaz
zaokrąglyły się marzenia, glaca prziszła na łep
a on dalij myśli o załodze co na dole je.
Ref.