By finansowych problymów niy mieć,
Wyjechoł kiedyś Erich do Niymiec.
Woli tam miyszkać z Niymcami w bloku,
Niźli na Śląsku we familoku.

Chociaż przez lata dziynki protekcji,
w Polsce mioł etat niyzły w dyrekcji,
cały majątek, i to bez picu
wywióz w maluchu na tylnim zicu.

Autobanom numer cwai,
richtong Doutschland, bo tam raj.
Tam nic robić niy potrzeba,
tam banany lecą z nieba.
Autobanom numer cwai,
richtong Doutschland, bo tam raj.
Autobanom numer fiyr
jedzie, bo tam lepszy bieer.

Jak już jechali do tyj Europy,
godać musieli jak zwykłe szkopy
Przez to już w aucie małymu dziecku,
kozali szfandrać durś po niymiecku.

Do łojca fater, do mamy muter,
musioł powiedzieć, by dostać futer,
I choć tyn bajtel mioł bystro gowa,
do dzisioj umi ino trzy słowa
- ańc, cwai, drai.

Autobanom numer cwai,
richtong Doutschland, bo tam raj.
Tam nic robić niy potrzeba,
tam banany lecą z nieba.
Autobanom numer cwai,
richtong Doutschland, bo tam raj.
Autobanom numer fiyr
jedzie, bo tam lepszy bieer.

I chociaż Erich był już w Bułgarii
Był na Mallorce i Grand Canarii.
To wciąż na sercu jymu jak blizna,
leży ojczyzna i ojcowizna.

Bez to jak on tak, jedzie se autym,
Jedne go w myślach drynczy pytanie.
Kaj w końcu miyszko?
W Niymcach, czy w Polsce,
A może w aucie, na autobanie?

Autobanom numer cwai,
richtong Doutschland, bo tam raj.
Tam nic robić niy potrzeba,
tam banany lecą z nieba.
Autobanom numer cwai,
richtong Doutschland, bo tam raj.
Autobanom numer cwai,
wraco zwiedzać własny kraj.