Kaś pod ziymiom we chodniku,
świycom lampki łod górników.
Już sie bierom za fedrunek,
sztajgier skończył ferezunek.
Już zaczyno wreć robota,
Kombajnista włączył grota.
Strop podparty, spąg wybrany,
wągiel sypie sie ze ściany.
Pod ociosem coś migoce,
Śleper siednoł se na klocek,
Tela jeszcze jest w nim wiary,
że sie modli do Barbary:

Święto Barbaro ty miyszkosz na grubie,
a łoczy mosz czorne jak wongle.
Na rynkach mosz grafit i mika,
i myślisz durch ło górnikach.

Święto Barbaro ty miyszkosz na grubie,
a łoczy mosz czorne jak wongle.
Na rynkach mosz grafit i mika,
i myślisz durch ło górnikach.

Dziękujymy ci Barbaro,
że sie modlisz, że sie starosz.
Dziękujymy, że pilnujesz,
że sie troszczysz i frasujesz.
Górnik jak robi na grubie,
cały sie oddaje tobie,
A myślami jest u żony
jak po szychcie jest zmynczony,
A te dziołchy ze sortowni,
te zy płuczki i z lampowni.
Kochej wszystkie tak jak córki,
od Barbórki do Barbórki.

Święto Barbaro ty miyszkosz na grubie,
a łoczy mosz czorne jak wongle.
Na rynkach mosz grafit i mika,
i myślisz durch ło górnikach.

Święto Barbaro ty miyszkosz na grubie,
a łoczy mosz czorne jak wongle.
Na rynkach mosz grafit i mika,
i myślisz durch ło górnikach.