Życie jedne jest,
ino roz sie rodzisz.
Zanim stanie czas,
niych Ci dobrze sie powodzi.
Twój nojstarszy brat
zjyżdżoł z dnia do nocy,
mioł zharatany kark
i łod wonglo czorne łoczy.
Niy mosz synku szans,
jak pódziesz na gruba.
Bydziesz jak Twój brat,
na kolanach wongiel dłubać.
Łon już tyla lot
fedruje kajś w niebie.
Ty mosz jeszcze czas,
żeby wzion Cie tam do siebie.
Życie jedne jest,
ino roz sie rodzisz.
Zanim stanie czas,
niych Ci dobrze sie powodzi.
Niy mosz synku szans,
jak pódziesz na gruba.
Bydziesz jak Twój brat,
na kolanach wongiel dłubać.
Życie jedne jest,
posłuchej nim zaśniesz.
Ty mosz żyć sto lot,
aż karbitka sama zgaśnie.
Ty mosz żyć sto lot,
aż karbitka sama zgaśnie.
Sama zgaśnie