Suchejcie ludzie Ślonskigo wieszcza
dykcjunor naszyj sam godki umiyszcza
cobyście mogli na placu w doma
używac słow z tyj ziymi łona
Pamiyntej na żici siadosz niy du***
bajtlowi do gymby wkłodo siy nupel
niy paczisz do tyłu ino do zadku
Opa powiedzieć mogesz ło dziadku
Jedzie sie banom a niy tramwajem
niy ma że świynto ino jest fajer
my niy ryczymy my robiemy larmo
zamiast pedziec dworzec my godomy banhof
rynce czimom w kapsach a niy w kieszeniach
momy sam warzywniok a niy zieleniak
korbic to u nos dbac ło tynżyzna
chop to po prostu tukej mynżczyzna
sam sie niy spotkomy sam mogymy sie spiknońć
ciynżko coś podnosic raczyj cza to dźwignońć
my sie niy wstydzymy nom je po prostu gańba
po co nom pilnik jak sam momy fajla
raczyj sie richtuja bo niy chca sie szykowac
Rzadko cos prasuja raczyj wola wybiglować
u nos niy ma awantur u nos robi sie chaje
jak ftos cie kocho to powie że ci pszaje

REF:
niechej narodowie wżdy postronne znajom
Ślonzoki niy gynsi i swój jynzyk majom
bo naszo kultura cza nom wszyndzie szerzyc
to niy je takie trudne mogecie mi wierzyć

Sam niy ma meneli tukej som łożyroki
takie co sie łobalajom to som szpotloki
jakla z kapturym po naszymu z kapucom
ze szynku cie wyciepnom a niy wyrzucom
genau to bych pedzioł zamiast pedziec dokładnie
wyglondosz gryfnie co sam znaczy ładnie
sam siy niy wybrudzisz mogesz sie zmarasic
jak byda chwalipiynta to sie byda asić
Gibis po naszymu to inaczyj sztuczno szczynka
przi galotach chołzyntrygi zapomnij ło szelkach
Kobuch to tyn karlus co pyto ło bilecik
wola niy jeśc nic dobrego jo wola maszkecic
tyn co mo pukel to u nos garbaty
fater to powiysz do swojigo taty
niy krej sie kromki jak mogesz skroć sznita
wszyndzie jest środek u nos jes mita
jak chca cos pisac to używom filoka
sam motyla niy zobejrziysz sam mosz szmatyrloka
legna sie na pryko to pod gowa dom zagłowek
do rynki wezna pisok czyli ołówek
Po lekku cza kończyc coby niy byłó za dugie
znocie pora słów to po piyrsze a po drugie
uczcie sie godać swojim bajtlom to przekożcie
a nastympne pokolenie Ślonzoków wyrosnie