[INTRO]

Krok za krokiem, szłapa za szłapom,
Cosik koślawo tyż łapy stawiom,
Nie moga pojonć co siy wyprawio,
We łbie karasol, ludzie sie gapiom,
Widza podwójnie, durch coś mnom huśto,
W lewo i w prawo jakoś mom luźno,
W gymbie Sahara, suszy mnie strasznie,
Jo po balandzie wracom siy właśnie,
Keber zu zwiso, halba za pasym,
Do dom siy wracom, ścigom siy z czasym,
Jedyn do przodku i piynć do zadku,
Podróż na nogach idzie mi gładko,
Czymu tyn borsztajn je taki stogi?
Niy idzie bes niego, przeciepnonć sztogi,
Próbuja ustać, choby bes chwila,
Starom na boki siy niy odchylać,
Coś fest mnie muli i na rzyganie zbiyro,
Wcorej było gryfnie, dzisioj umiyrom.

REF.

Cisna do przodku, choć siy obalom,
Utrzymac fasun, jednak siy starom,
Wiym że wyglondo, dość niy wyjściowo,
Koszmarno droga, nad ranem godom. x2

Szukom podpory, chytom siy ściany,
Co jo sam robia? Taki ściulany,
Zol badom z gracjom jakiego Geodety,
Porynca mi pomóc siy musza niystety,
Niy je to łatwe, iść na kolanach,
Tako pilgrzymka zaroski z rana,
Do dom chca doleść, i legnonć w pryko,
Ciynżko mi idzie, a czos, uciyko,
Frela mnie w doma, gorko prziywito,
Nudelkulom mi moje prawa odczyto,
Jo już to widza, w przyszłość wiybiegom,
Padna w antryju, swoje odczekom,
Ino fest srogo, mom droga do dom,
Tym bardziyej że niy wiem kaj dom, a kaj poziom,
Dojda i w pryku, złoża swe cialo,
Wiyeczorym wstana i "Co mi siy działo?"
Łeb bydzie pynkoł, jak szkło pynkło wczorej,
Trochach poszaloł, a teraz skich chory.

REF.

Cisna do przodku, choć siy obalom,
Utrzymac fasun, jednak siy starom,
Wiym że wyglondo, dość niy wyjściowo,
Koszmarno droga, nad ranem godom.

[INTRO]